Iratzarri Gipuzkoa » Berriak

HOMOFOBIARIK EZ!!!!!!!!!!!!!!!!!!!!!!!!

gipuzkoakoiratzarri — Sat, 16 May 2009 14:53:22 +0000

Homofobia eta Transfobiaren aurkako Nazioarteko Egunean, maiatzaren 17an, Iratzarri gazte erakundeak homofobia eta transfobiaren kontra borrokatzeko deia zabaldu nahi dio euskal gazteriari. Gazte ezkertiar eta abertzaleen ustez Euskal Herrian gaur egun jasaten den homofobia eta transfobia nabaria da, eta horregatik denon konpromiso militantea ezinbestekoa da errealitate hau aldatzeko.

Berriro ere Iratzarrik exijitu du transexualitatearen despsikiatrizazioa, transfobia baita benetako gaixotasuna, eta homo-transfobia erauzteko neurriak eskatu ditu.

Zentzu horretan Iratzarrik salatu nahi ditu alde batetik erasotzaile zuzenak direnak eta bestetik Euskal Herrian LGTB kolektiboarekiko diskriminazioa eta gorrotoa bultzatzen dutenak; Elizako hierarkia, Alderdi Popularra (PP) eta Union del Pueblo Navarro (UPN), alegia, homofobia eta transfobia instituzionala ordezkatzen duten neurrian.

Iratzarrik les-gay-trans askapenerako mugimendua lehentasunezko borrokatzat jotzen du eta datozen egunetan EHGAM-ek deituriko ekitaldi zein konzentrazioetan parte hartzeko deia egiten du.

Hegoaldeko koordinakundea Maiatzaren 2an Donostian

gipuzkoakoiratzarri — Fri, 01 May 2009 22:37:09 +0000

Iratzarri gazte erakundeak Hegoaldeko Koordinakundea egingo du maiatzaren 2an Donostiako Aralarren egoitzan, Easo plazaren ondoan Pedro Egaña kalean. Asanblada arratsaldeko 17:00etan hasiko da.

Bertan iratzarkideek grebarako zein beste mobilizazioetarako ekintzak prestatuko dituzte. Ohi denez, Aralarreko afiliatu gazteeen zein iratzarkide guztien parte-hartzeari zabalik egongo da bilera.

Euskal Herria dugu eraldatzeko eta irabazteko

Animatu eta parte hartu! Beharrezkoa zara!!!!!

MAIATZAREN 1a

gipuzkoakoiratzarri — Thu, 30 Apr 2009 20:09:09 +0000

Gipuzkoako Iratzarrik deia luzatzen dio euskal gazteriari eta bereziki Gipuzkoakoari, maiatzaren 1ean mobilizazioetan parte har dezan. Gazte erakundeak gogor kritikatu du gazteok ditugun lan baldintzak Euskal Herri osoan, prekarietatez eta langabeziaz beteta. Iratzarriren ustez greba da egoera larri honi aurre egiteko irtenbide bakarra.

Berriro ere euskal langileei batasunerako deia luzatu nahi die Iratzarrik eta gazte ezkertiar independentistak datorren maiatzaren 21ean grebarako deialdia egin duten euskal sindikatuen manifestazioetan egongo direla azpimarratu du erakundeak

ETXEBIZITZA DUINA DENONTZAT!!!!!

gipuzkoakoiratzarri — Thu, 12 Mar 2009 15:06:07 +0000

Iratzarri gazte erakundeak bat egiten du larunbatean Donostian arratsaldeko 17:30etan egingo den manifestazioarekin eta bere atxikimendu osoa erakuktsi dio berari. Manifestazioa Alderdi ederretik aterako da. Iratzarritik dei egiten diegu etxebizitza duinaren aldeko borrokan dauden gazte guztiei. info gehiago: www.kepasakonlakasa.org

Iratzarri Gipuzkoako BBNNetan

gipuzkoakoiratzarri — Sat, 31 Jan 2009 23:29:01 +0000

Gipuzkoa “berdea, euskalduna eta soziala” aldarrikatu ditu Iratzarrik

Iratzarri, Aralarreko gazte erreferenteak, beste Gipuzkoa bat posible dela esan du Gipuzkoako batzar nagusietako Gizarte politkako batzordean. Gipuzkoa berdea, soziala eta euskalduna aldarrikatu ditu Iratzarrik gaurko bileran. EGK-ko ordezkaria eta batzar nagusietan ordezkaturik dauden talde politikoen gazte taldeekin batera, batzarkideei eskatu die lan egoerak hobetzeko, etxebizitza duina lortzeko aukera izateko, eta giza eskubide guztien defentsa aldarrikatu dira pertsona guztientzat.

AHTaren kontrako kexa zabaltzeaz gainera euskal hiztunen eskubideak bermatzeko eskatu du Iratzarrik, eta gizarteak erabakitzen duenaren aurkako erabakirik ez hartzeko eskatu du.Talde bakoitzaren bozeramaileak prestutazuna aurkeztu du hau bezalako foroak edo eztabaida guneak hurrengoan ere berriz presta daitezen.

Irakurritako testua h emen dago ikusgai

Palestinaren aldeko manifestazioa

gipuzkoakoiratzarri — Sun, 11 Jan 2009 00:17:20 +0000

Iratzarri, Palestinarekin

Urtarrilaren 10ean Iratzarri Gipuzkoako Palestinaren aldeko manifestazio bateratuan presente egon da. Bertan milaka parte hartzaileek Palestinari babesa erakutsi diote eta Israeli boikot aktiboa aldarrikatu dute. Bukatzean, Iratzarkideek pankarta jarri dute Donostiako Bulebarrean.

Biolentzia matxistaren aurka, borroka feminista!

gipuzkoakoiratzarri — Wed, 31 Dec 2008 01:34:45 +0000

Gipuzkoako bere dolumina agertu nahi du Errenterian bere bikotekidearen esku hil den emakumearen hilketagatik, eta bere elkartasuna agertu dio hildakoaren senitartekoei eta hurbilekoei.

Berriro ere iratzarkideok indarkeria babesten duen sistema salatu nahi dugu eta matxismo eta patriarkatuaren aurkako borrokan jarraituko dugu.

Euskal Presoak Euskal Herrira!

gipuzkoakoiratzarri — Sat, 05 Jul 2008 08:02:08 +0000

Elgetako festak direla ta Iratzarrik Euskal Presoen Euskal Herriratzearen aldeko pankarta jarri dau Elgetako sarreran.

alardea

gipuzkoakoiratzarri — Mon, 30 Jun 2008 00:03:45 +0000

Iratzarrik babesa erakutsi dio alarde mistoari

Aralarren gazte erreferenteak ezinbestekotzat jotzen du emakumeen presentzia normalizatua eta gizonezkoekin berdintasunean arlo, jai eta ospakizun guztietan Euskal Herrian oraindik gaur ematen den patriarkatua eta ideia maskulinizatuekin amaitzeko. Iratzarri gazte erakundeak bere babes osoa adierazi nahi dio gizonez eta emakumez osatzen den Alarde Mistoari, berdintasunean sinisten duten herritar horiei, hain justu berdintasunaren izenean ari baitira, presio guztien gainetik, hurrengo belaunaldietan balore esanguratsuak ereiten.

Bandera espainola Donostiako Udaletxean

gipuzkoakoiratzarri — Tue, 20 May 2008 12:11:12 +0000

Gipuzkoako Iratzarrik Donostiako udaletxean Espainiako bandera jarri izanak gatazka giroa areagotzen duela salatu du

Espainiako bandera Donostiako udaletxean jarri izanak uskal Herriko gatazka giroa areagotu baino ez du egiten. Iratzarrik ez dator bat Odon Elorzak hartutako erabakiarekin, bestelako erantzunik eman gabe, udaletxean Espainiako bandera jartzeko inposizioa onartu duelako, gainera epairik gabe. Bandera horren kontrako jarrera daukate donostiar askok, eta Iratzarri eta aralarkideon artean are bai.

Ez dugu nahi, eta ez dugu merezi, era horretako jarrerarik, Donostia eta Euskal Herriko gatazka giroa areagotzen dutelako eta elkarbizitza zailtzen dutelako; hori ez da Donostia eta Euskal Herriko sentsibilitateen arteko elkar ulertzea, elkarrizketa eta elkarren errespetuan sakontzeko modua.

Iratzarriren ustez hiriaren ikurra eta ikurriña herriaren sentimendu eta borondatea ordezkatzen dituztenak dira, dena dela, “Espainako monarkiaren bandera ez egoteko beste bandera guztiak kendu behar badute, hala izan dadila” esan du Aralarreko gazte erreferenteak.