Iratzarri Gipuzkoa » Iratzarri

Eskubide guztiak GUZTIENTZAT!!!

gipuzkoakoiratzarri — Thu, 10 Sep 2009 20:56:12 +0000

Iratzarrik bat egiten du larunbat honetarako “Etxerak”ek egin duen deialdiarekin. Barne sailak daramanan politikaren aurrean erantzun bateratuak behar ditugu eta eskubideak eskatzen ditugunean, eskubide guztiak GUZTIENTZAT eskatzen ditugu.

Horregatik, larunbat honetan Gipuzkoako eta Euskal Herriko gazte guztiok hitzordua dugu Donostian, presoen eskubideak aldarrikatzeko.

Dispertsio politikak familiengan eragiten du, modu honetan hainbat hildako sortuz modu ez-zuzenean, eta ez du sufrimendua sortzea baino beste asmorik.

Eusko jaurlaritzari, EAEko biztanle guztien gobernua dela gogoratu behar zaio, baita beraien pentsaera ez duten preso politikoena, baina badirudi sarritan ahaztu egiten zaiola.

Larunbat honetan denok Donostiara!!!!!

Arratsaldeko 17:30etan Antiguoko tunelean (ondarreta ondoan)

HOMOFOBIARIK EZ!!!!!!!!!!!!!!!!!!!!!!!!

gipuzkoakoiratzarri — Sat, 16 May 2009 14:53:22 +0000

Homofobia eta Transfobiaren aurkako Nazioarteko Egunean, maiatzaren 17an, Iratzarri gazte erakundeak homofobia eta transfobiaren kontra borrokatzeko deia zabaldu nahi dio euskal gazteriari. Gazte ezkertiar eta abertzaleen ustez Euskal Herrian gaur egun jasaten den homofobia eta transfobia nabaria da, eta horregatik denon konpromiso militantea ezinbestekoa da errealitate hau aldatzeko.

Berriro ere Iratzarrik exijitu du transexualitatearen despsikiatrizazioa, transfobia baita benetako gaixotasuna, eta homo-transfobia erauzteko neurriak eskatu ditu.

Zentzu horretan Iratzarrik salatu nahi ditu alde batetik erasotzaile zuzenak direnak eta bestetik Euskal Herrian LGTB kolektiboarekiko diskriminazioa eta gorrotoa bultzatzen dutenak; Elizako hierarkia, Alderdi Popularra (PP) eta Union del Pueblo Navarro (UPN), alegia, homofobia eta transfobia instituzionala ordezkatzen duten neurrian.

Iratzarrik les-gay-trans askapenerako mugimendua lehentasunezko borrokatzat jotzen du eta datozen egunetan EHGAM-ek deituriko ekitaldi zein konzentrazioetan parte hartzeko deia egiten du.

Hegoaldeko koordinakundea Maiatzaren 2an Donostian

gipuzkoakoiratzarri — Fri, 01 May 2009 22:37:09 +0000

Iratzarri gazte erakundeak Hegoaldeko Koordinakundea egingo du maiatzaren 2an Donostiako Aralarren egoitzan, Easo plazaren ondoan Pedro Egaña kalean. Asanblada arratsaldeko 17:00etan hasiko da.

Bertan iratzarkideek grebarako zein beste mobilizazioetarako ekintzak prestatuko dituzte. Ohi denez, Aralarreko afiliatu gazteeen zein iratzarkide guztien parte-hartzeari zabalik egongo da bilera.

Euskal Herria dugu eraldatzeko eta irabazteko

Animatu eta parte hartu! Beharrezkoa zara!!!!!

MAIATZAREN 1a

gipuzkoakoiratzarri — Thu, 30 Apr 2009 20:09:09 +0000

Gipuzkoako Iratzarrik deia luzatzen dio euskal gazteriari eta bereziki Gipuzkoakoari, maiatzaren 1ean mobilizazioetan parte har dezan. Gazte erakundeak gogor kritikatu du gazteok ditugun lan baldintzak Euskal Herri osoan, prekarietatez eta langabeziaz beteta. Iratzarriren ustez greba da egoera larri honi aurre egiteko irtenbide bakarra.

Berriro ere euskal langileei batasunerako deia luzatu nahi die Iratzarrik eta gazte ezkertiar independentistak datorren maiatzaren 21ean grebarako deialdia egin duten euskal sindikatuen manifestazioetan egongo direla azpimarratu du erakundeak

Iratzarri Gipuzkoako BBNNetan

gipuzkoakoiratzarri — Sat, 31 Jan 2009 23:29:01 +0000

Gipuzkoa “berdea, euskalduna eta soziala” aldarrikatu ditu Iratzarrik

Iratzarri, Aralarreko gazte erreferenteak, beste Gipuzkoa bat posible dela esan du Gipuzkoako batzar nagusietako Gizarte politkako batzordean. Gipuzkoa berdea, soziala eta euskalduna aldarrikatu ditu Iratzarrik gaurko bileran. EGK-ko ordezkaria eta batzar nagusietan ordezkaturik dauden talde politikoen gazte taldeekin batera, batzarkideei eskatu die lan egoerak hobetzeko, etxebizitza duina lortzeko aukera izateko, eta giza eskubide guztien defentsa aldarrikatu dira pertsona guztientzat.

AHTaren kontrako kexa zabaltzeaz gainera euskal hiztunen eskubideak bermatzeko eskatu du Iratzarrik, eta gizarteak erabakitzen duenaren aurkako erabakirik ez hartzeko eskatu du.Talde bakoitzaren bozeramaileak prestutazuna aurkeztu du hau bezalako foroak edo eztabaida guneak hurrengoan ere berriz presta daitezen.

Irakurritako testua h emen dago ikusgai

Palestinaren aldeko manifestazioa

gipuzkoakoiratzarri — Sun, 11 Jan 2009 00:17:20 +0000

Iratzarri, Palestinarekin

Urtarrilaren 10ean Iratzarri Gipuzkoako Palestinaren aldeko manifestazio bateratuan presente egon da. Bertan milaka parte hartzaileek Palestinari babesa erakutsi diote eta Israeli boikot aktiboa aldarrikatu dute. Bukatzean, Iratzarkideek pankarta jarri dute Donostiako Bulebarrean.

Biolentzia matxistaren aurka, borroka feminista!

gipuzkoakoiratzarri — Wed, 31 Dec 2008 01:34:45 +0000

Gipuzkoako bere dolumina agertu nahi du Errenterian bere bikotekidearen esku hil den emakumearen hilketagatik, eta bere elkartasuna agertu dio hildakoaren senitartekoei eta hurbilekoei.

Berriro ere iratzarkideok indarkeria babesten duen sistema salatu nahi dugu eta matxismo eta patriarkatuaren aurkako borrokan jarraituko dugu.

Murala Mutriku-Deban

gipuzkoakoiratzarri — Wed, 27 Aug 2008 23:06:07 +0000

Iratzarriko ekintzaileek neurri handietako murala egin dute aurreko egunetan Mutrikun, Deba ibaiaren ertzean. Pintaketak “Independentzia – sozialismoa” lemak dauzka margozturik, eta Deba osotik (bereziki hondartzako pasealekutik) dago ikusgai. Iratzarrik aldarrikapenak hondartzetara zabaltzeko aurrera daraman kanpaina barruan kokatzen da muralaren burutzea. Bizkaiako zenbait tokitan, adibidez, antzeko ekimenak egin dira ere udan zehar.

Herria ekinez

gipuzkoakoiratzarri — Wed, 09 Jul 2008 20:44:37 +0000

“Herria ekinez” Gipuzkoako Iratzarriren boletinaren lehenengo alea kaleratu da.

Gipuzkoako Iratzarriren asanbladak bere lehenengo boletina kaleratu du. Herria ekinez izenpean zabaldu den berripaperak Gipuzkoako asanbladaren aurkezpen bat egiten du, Iratzarri mugimendu politiko sozialean parte hartzera gonbidatuz. Boletinak, bestalde erreportai motzen bidez zenbait gai lantzen ditu, hala nola, etxebizitza eskubidea, hezkuntzako bologna prozesua edo munduko G8an biltzen diren 8 herrialde boteretsuen eta globalizazioaren inguruko informazioa, besteak beste.

Euskal Presoak Euskal Herrira!

gipuzkoakoiratzarri — Sat, 05 Jul 2008 08:02:08 +0000

Elgetako festak direla ta Iratzarrik Euskal Presoen Euskal Herriratzearen aldeko pankarta jarri dau Elgetako sarreran.